عزيت أنا علوش والدمع همال=فاالشيخ عمي مكرم الضيف والجار
وأنا أدري أن الموت ما عنه محوال=لا شك يفجع لاخذ اشاعم النار
يا الله ترحم من عليه الثرى مال=تغفر اذنوب اللي رجا وانت غفار
جعل السحاب اللي من المزن وبال=يسقي ثرى قبره وينبت بالازهار
شيخ شجاع فالمواقيف رجال=قرم يهابه كل ظالم وجبار
من روس جدان ميامين وابطال=محوالهم في نجد نور الاقطار
محوالهم في جو الاخصام زلزال=أهل الكرم والجود والسيف والكار
وجالهم في عاليه نجد منزال=متيهين النوق في درب الاخطار
قادة هل التوحيد زينين الأعمال=وأفعالهم نهج الصحابة والانصار
تاريخهم معروف مع كل الأجيال=تاريخهم مثل الذهب وسط الأسطار
والمجد ما يشرى بشيكات الاموال=المجد يحفظ مع تواريخ الاحرار
والله يديم الشرع والأمن بعيال=بعيال من وحد بلدنا والامصار
واعداد ما تمطر على وادي سال=صلوا على محمد صلاة بتذكار

المشاركة الأصلية كتبت بواسطة سهم العضيان تشكر يابن مشيب والله يرحم شيخنا تركي بن حميد

المشاركة الأصلية كتبت بواسطة ولد النخيش الله يرحمه ويسكنه الجنه هو وجميع اموات المسلمين والله يبيح الشيخ والامير والفارس تركي بن حميد

المشاركة الأصلية كتبت بواسطة قحص رحم الله الشيخ تركي ابن حميد واموات المسلمين لاهنت ياابن مشيب على النقل وصح السان الشاعر حشر بن عبدالمحسن بن حميد