يامنير أمانه كان قابلت حراص = بلغ سلامي له وبالله قله
قله ترى السواق عن سكته حاص = وعطى طريق(ن) كلنا ماندله
ثم طاح مع جرفٍ بغى يكسر الشاص = والجرف من فوقه بغى الله يهله
والكهرباء سلكه تشابك مع الماص = ولوألتمس كان أحرق الكون كله
ومن لايطفي النار وهي توبص أوباص = لياكبرت الشعله ترى ماحصله
والهرجه اللي كنها ضربة رصاص =تجيب ياحراص للكبد عله
وبين الرجاء والياس وقفه ثم أخلاص = وحراص اليا منه تزهل يحله
من لابة(ن) بالسيف كم طوعواعاص = الطيب حازوا كل دقه وجله
ذوي عطيه ترخص أعمارها إ رخاص = دون الرفيق ليا أعتزوافزعةٍ له
وإن كان في حقك حصل مني إنقاص = مثلك يسامحني لياصار زله
وأقبل تحياتي بقاف(ن) على آص = ياشبه سيفٍ في لزومه نسله

المشاركة الأصلية كتبت بواسطة مقعد الدغيلبي أبن مسلم شاعر أبداع وجزاله أحسن في أنتقى بنات الافكاااااااار وتوضيفها في مكانها الصحيـــــــــــــــــــــــح لاهنت وصح اللسانك