طلعت أنا الدفتر من ضيقة البــــــــال =وكتبت لي قافين من ما طرالــــــــي
كتبتهن والدمع من العين همـــــــــال=وعزي لمن مثلي بلته اليالـــــــــــي
بلوى بلتني بالمصايب والاثقـــــــال=صارت على نفسي ماهي بالحلالـي
ياموصل المكتوب الى ولد هــــــذال=قل له تعشتني ضباع الجبالـــــــــي
من عقب ماني ذيب انا اليوم ماحتال=ياحسيفي دارت علينا الثقالـــــــــي
ليته يجينا بالمواجيب رجــــــــــــــــال=في واجبه يقوم قدم الرجالــــــــــي
ترى البليهي ينقل الحمل اليا شـــال=اليا عجزت عنه معفيات الجمـــالـــي
والفعل يا ابن فهيد ماهو بالاقـــــوال=ولايدرك الناموس عفن العيالــــــــي
ولا من بغى الطولات للمرجله نــــال=ياكود شغموماً يفك التوالـــــــــــــي
تكفا يابو فيحان ياذرب الافعــــــــــال=الراس شاب ويبسن البلالــــــــــــي
يا اميرنا دهري تراه علي مــــــــــال=والعمر قافيه الفنا والزوالـــــــــــــي
ياعزتيلي صكني عالي الجـــــــــال=ضدتني الدنيا بكل احتمالـــــــــــــي
ولامن ولد عم ٍ ولا من ولد خـــــــــال=يشيل عنا كايدات الثقالــــــــــــــــي

اليا وصلت الحمل وهضاب فغراني=تلقى بيوت كبار للخليفيه

تكفون ياعزوتي يالاد شيباني=صكوا علي الحديد وقص رجليه

المشاركة الأصلية كتبت بواسطة أخو مدين ابن مشيب شكرا على مرورك وشكرا على الدعاء اما بالنسبه للقصيده التي ذكرتها هي موجوده لدي وانشالله سوف تراها هنا قريبا وتقبل تحياتي