سلام رديه من الطيار= يبديبها ويعز جانبها
تظفي على الحضار والشعار= واهل المناصب في مناصبها

مرحبا وأنت طيب=مير خلك قريب
ذيب ما تنتعيب=والمسافه طويله

يامرحبا وأبشر ببن أبهار =والسابقه تطلع براكبها
في حلت أهل الطيب وأهل الكار=تعرف تجاربك وتجاربها

ابك البقا يالفارس البيطار= والطيبه من حظ صاحبها
ماذمكم لاجوكم الزوار= تعطون للزوار واجبها

طيبكم فوق حده=يوم كل(ن) بمده
مثلكم مثل جده=والمسافه طويله

سر السوالف من يمين أيسار=واللي ماتصلح لك تجنبها
على الوفا حنا طوال أشبار=واللي معه نيه لا يقلبها

من ساحل البصره ليا الانبار= بين العرب شبت شبايبها
اناعطيتك موجز الاخبار= افطن ونفسك لاتعذبها

وأنت قايد قبيله=شالها في شليله
يعتزي بالجليله=والمسافه قريبه

أن ولعت بين النشاما نار=تحماك قحطان بمخالبها
وحده بوحده والوفا ياجار=والارض لا تامن عقاربها

لو سد مأرب ياولد ينهار=اهل اليمن جفت مشاربها
مادام حلت زيجة المسيار= جوها رياجيل بشواربها

مانت غاوي طريقي=هرج ماهو حقيقي
مانشف منه ريقي=والمسافه طويله

الناس تعرف خافي الاسرار=يا وصيفر العرقوب راقبها
الارنب اللي تعشق الاسفار=حنا عشانا فوق غاربها