يا لطيف الروح حبك نابت بين الضلوع =مثل غرس نابت في وادي ما باح ماه
تربته من قلبي المجروح وماه من الدموع =والضلوع اللي سكن فيها تصونه وتحماه
عاش في ذيك الليال الماضيات اللي تروع =بين هم وبين حزن وبين خوف وبين آه
حافظينه بالسنين وبالشهور وبالسبوع =ما حدى يدري عن اللي شايله قلبي وراه
وانت ناوي بالقطيعة ما نشوفك يالقطوع =ناوي تذبح خفوقي واعنا قلبي عناه
ما ترجينا الطماعة والطماعة للطموع =شوفتك عندي تراها مكسب القلب ودواه
والله اني يا لطيف الروح رجال قنوع =ما طلبتك كود نظرة من بعيد وبالعباه
والعواذل لا تحط اذنك لها عبد سموع =كل عاذل يا لطيف الروح يا كله حصاه

صح لسان الشاعر
و
بيض الله وجهك