بشتكي لمطير حمران النواظر = من قصير ما تعذر من قصيره
للقصير حقوق بالماضي وحاضر = وحشمة الجيران مافيها معيره
ما نطاوع شور عميان البصاير = دون حق الجار رجلينا قصيره
يوم قالولي دفعتلهم بشاير = مرحبا وأهلين بشيوخ العشيره
ياعسى ديوانهم بالعز عامر = من يجي ديوانهم واللي يديره
وعقب طاح الحوش صار الفكر حاير = ننتظر رد المقاول مع وزيره
قلتها وأنا تراني من نوادر = من عتيبه لا ضرب للحرب زيره
لابتي بالضيق يشفون الضماير = في نهار(ن) تشتعل فيه الذخيره
حولوا في نجد بسيوف بواتر = لين قفى ضدهم يسحب حظيره
واختم المعنى لحمران النواظر = ينطحون الكايده لو هي كبيره
ما تزعزع جمعهم كثر المحاور = ومن عوايد جمعهم نطح المغيره
والله المعبود علام السراير = يرحم اللي من عباده يستجيره