العام خبري بالوجيه النواوير = واليوم ..عبسه تظحك بوجه عبسه ..!!
غريب يا وقتٍ قلبت التقادير=وان طعتني يا صاح ..ماشه بعكسه
صبّح عليه بخير... لا صرت بعصير = واليا لفاك الصبح ....بالخير مسه ..!
و ان كان تبغا فوق هذي تفاسير = ابشر ..ولك علمٍ قريبٍ مرسه
خشمك.. إلامن صار جوّك معاصير = اعن الهبوب الثايره لا تدسه
ماتدري يمكن في عجاجه تباشير =ايزيل خمل الحظ و يطير عمسه
يا صاح كم طالت علي المشاوير=والهم يكبر والخلايق .. تجسه ..!!
وغيري رزالٍ غيّبت كل تفكير=كلن يقول ان الحلايا بنفسه
يومن كسب العلم اصبح معايير =همّه عقاله بين عدلٍ ونكسه ..!!
حسّي على الله ..ما لغيره تكابير=ولا خاب من سنّّّد على الله حسه
صب الدلال المكرمات المباهير = و إلا النحيس ايخلّص الله نحسه

.
..

الله الله يا مـشـعل
مـبـدع مـبـدع مـبـدع
صح لسانكـ على هذه الرائعه
واسمح لي ببيتين هاضت بها قريحتي بعد ما قريت القصيده

|194|

مشعل بدع جزل الشعر والتصاوير = واسقى نبوت القاف من فيض حسه
فكره ورا كل المدح والتعابير = وحرفه ورا مزن المعاني يعسه

ولاعاد تكتب الا كيبورديات