الليله المعنى على العين ياناس=العين سبت كل هم وخطيه
انا اتعنى في زماني بلا قياس=والعين ترقد والشقا صار ليه

الليليله الليله توقع بالاخماس= انك مقر الهم صبح وعشية
لولاك كان الناس ماتشكي الباس=الحق اصابك لاترده عليه

ياعين لاتبكين والوضع حساس=حبل المعاني كلها في يديه
انا مقر الطيب والطيب نوماس=وانتي بنظراتك هناك وهنيه

ياقلب ياقلب العنا فيك هوجاس=عذبت نفسك في حياة شقيه
الناس سمتني سميه لقرناس= وانته محد يمدحك بين البرية

محدن يصدق علمك بكل الاجناس= الناس تدري والحقائق جليه
لولا الحيا واخاف من قول بلاس=لاقطع عروقي ماتجيك بهديه

انته تراوغ بعد ماصرت محتاس=كبرت عليك المشكله والقضية
والله لو اغمض يابو دم وانفاس= انك لتصبح مثل دارٍ خليه