سلام رده من هجوسي عد ذعذاع الهبوب=رده وفاء لصحابنا العتبان في منزالها
نبى من يحمي الميدان وعن بني عمه ينوب=اقول وكل قوم تفتخر في فعل ارجالها

امرحبا ترحيبة من فج وكل صوب = عند الرجال اللي يعرفون الرجال افعالها
اقلط يامنصور ال زايد وانت شاعر ومحسوب = لكن وش اخبار القناه اللي تبث رسالها

تبقى ومايزبد بحرها لومايتها تروب=لوتغرفه لوتحرفه ماينتغير جالها
الغايه اكبر من جهودك حين لاشب الشبوب=لو ان روس العرب تدري محد شرب فنجالها

تبا الحقيقه صاحبك لا هو حقود ولا كذوب = مير الطباعه بارك الله فيك هذا حالها
ان شبت النيران مالك لامصد ولاهروب = اولالك النيران يامنصور وانت اولالها

المشاركة الأصلية كتبت بواسطة لاندكروزر منصور صح لسانك ابو شهاب تنوب وراعي محل يالغالي وصح لسااااانك مليار الجيب في صف ابو شهاب

المشاركة الأصلية كتبت بواسطة مرزوق العتيبي ... . صح لسانك يامنصور صح لسانك يابو شهاب .. اشهد بالله انك كفو وتسد النوب وراعي محل .... شكري وتقدير ي ...