الهيـــــــــــــلا *** منتدى قبيلة عتيبة

بعض العرب ودك تصكه بمشعاب ويشيخ دمه كل صبح وكل عشيه

لاقال هرجن كلامه بالحيل ينعاب وان مشى في درب لوّى خطاويه

يمدح فلانه وفلانه بكلام ينساب ويطرد البنيت في الروحه والجيه

يالله يا معبود يامرسل السحاب تكرمنا عن بعض النفوس الدنيه

عايش مع النسا وسط سرداب ماجلس مع الرجال وشم الشاذليه

صاحب مها وهند والثالثه رباب ماخذ من هالبنات الطيب والحنيه

ما صاحب معدين روس الارقاب طيبهم موصول من ايام الجاهليه

افهم ياولد وكل شي له حساب لا تقول هرج(ن) مالك عليه مقدريه

القرم مايقدح يافلان بلا اسباب انت بديت وانت اتحمل الخطيه

بعد هالكلام ترا ماعادنا اصحاب كلن بطريقه لا عليك وانا ماعليه