كل يوم تقول لي بالله هويت= كل يوم تعيد لي نفس السؤال
كل يوم تقول فيه وش لقيت= كل يوم تزيدني هم وجدال
ما لمست وما سمعت وما رأيت= كنه اللي شفت قدامي خيال
ما لمست الهم يوم اني شكيت= من يبا يدري قليلين الوصال
ولا تشوف الدمع يوم اني بكيت=سالي(ن) عني وانا ف اخس حال
كم شكينا كم بكينا ما دريت= ننتظر من يمكم قولة تعال
يعني لو ما كان نعنى ما عنيت=يعني ما عندك لنا شربه زلال
كيف عنا وانت خابرنا سليت=ليش معنا ما تمشيها عدال
فوق راس الداب يا عنكم وطيت=ثم شدو بي حمولات الجمال
ولعوني في هواهم واشتقيت= واتركوني ف الخلا راعي حلال
والله ان اللي حصل لي ما بغيت= والله اني ذيب لكن الليال
ان بغت تحرمك فيها ما شهيت=وان عطت تعطيك وتجي بالعيال
هيا لا تزعل ليا مني بكيت=وانت عارف مالنا غيرك سؤال