أنا الفقير اللي غني بالاخلاق =وما للحسد في بنك قلبي فوايد
ما صارت اخلاقي بضاعه بالاسواق =ولا عفت من لبست سمول العوايد
ولو ان لي قلب على الوجد خفاق =ما لومه الا اقول يابا العوايد
ولو اني اشكي فالهوى وصل وفراق =ما يرتخي راسي لزين الوسايد
اتوق مثل اللي على الكف تواق =واشوم عن سجاع خضر الجرايد
طلعي بعيد وفي يدي كل مسباق =رغم الظروف اضرب على كل كايد
ان كاني مشتاق للطيب مشتاق =يلقاني الطيب بوقت الشدايد
لحتاجني خيلي على الفزعه سباق =ما همني لو هو بعيد ونايد
هذي حياتي والليالي على ساق =ويام عمري بالمحبه جدايد
ويلي سكنت بخافقي كل معلاق =لولاك ما نبني بيوت القصايد
ليتك بميعادك كما شمس الاشراق =توفي ليا منك عطيت الوعايد
ويلي تطفي بالحشا جمر الاشواق =وغلاك عن كل المخاليق زايد
لك نظرة من سحرها الصب ما فاق =قلدتني من سحر حبك قلايد
تعال نقضي باقي العمر بعناق =وعمري لعمرك يا حبيبي مدايد