الجرح ماهو جرح عاشق ومضنون = الجرح وقتٍ فشل اللي هقابه ..!!
ماعاد باقي بالصدر كره وضغون = الا ليومٍ ماحسبنا حسابه
ودام الخلايق مرخصت فم وسنون = ماني بقاري قصته او كتابه
البارحه والليل طاغي وملعون=يشب همٍ بالخوافي شبابه
خلفي ديارٍ ما احسبت من يقفون= وقدمي ديارٍ دون دم وقرابه
معي الرفاقه بس (( قير )) (( ودرقسون )) = وخطٍ يميل الراس من بعد بابه
توميبي ظنونٍ وتصفق بي ظنون= واقول يادربي كفاني كئابه ..!!
لا تحسبني لا خطيتك اب تهون ..!!= الله خلق مثلك من اجل انخطابه
مثلك على فرقاك ..شاكر وممنون= مثلك على فرقاك مابغى نشابه
وياظالمي باالجن مانيب مجنون ..!!= لكن جرحي مايقدر ثيابه ..!!
تدري وريدي بكاسة العز محقون= مير البلا من بعد عدٍ ضرابه
زانت وزانت لّردي.. تحفة الكون = الي نصيبه طاغي باكتسابه
تلقا رصيده من التلافيق مليون = ويقول فكي واتعشا بنابه !!
لو الخلايق عن خوافيه يدرون ..!!= ماكان يوخذ بالزكايا نصابه ..!!
تدسسن كل الرقايب ورى متون=والدون ساس الدون حظه رقابه !!
ماتكتفي من هون ياوقتنا هون ؟!= ماتكتفي من هون وخذني طلابه !!
خل البساطا بالبسيطه يعشون=(( مادام جرحي مايقدر ثيابه ..!!))
اما تغير حالة الدون في دون = ولا - عليك الله - خذني نهابه

[TABLE="width:70%;"][CELL="filter:;"]

قصيدة جميلة يا مشعل

صح لسانك وسلم بنانك

[/CELL][/TABLE]

[TABLE="width:70%;"][CELL="filter:;"]

...
..

مشعل بن حويد


شاعر متميز وفريد في شعره


صح الساااااااااااانك مدد بلا عدد


ودمت بود



.

[/CELL][/TABLE]