الهيـــــــــــــلا *** منتدى قبيلة عتيبة - فهد الشيباني في مدح الشيخ فراج ابن هقشه الدوسري

الشاعر فهد الشيباني له قصيدة اعجبتني قافيتها وهي مقيولة في الشيخ فراج بن عبدالله بن هقشه الدوسري وهو من امراء الدواسر ورجال مشهور بالطيب والكرم في الطايف خاصة وفي المملكة عامة .
والشيخ فراج كان يعمل قاضي في محكمة الطايف واشتهر في عموم الطايف بمواقفه المشرفة وقوته في العدل ودايما في صف الضعيف قبل القوي وماتاخذه في الحق لومة لايم . وحزنوا عليه هل الطايف بعد ذهابه للرياض وعمله هناك .
ومناسبة القصيدة ان فهد الشيباني له مشكلة في ارضه "العريفي" ويشكي للشيخ فراج اللي حل مشكلته .

يقول فهد الشيباني

====================

الله لامــنه نـوا ني بـالافـراج @@@@@@@@@ تنقاد لي عقب العوج بالعدليا

الصبر لو إنه على فيض هـــداج @@@@@@@@@ كمل ومقصود الفتى ماحصليا

ناس مساكنها عمارات وابــراج @@@@@@@@@ ومصيفها فرقى مصيف الدوليا

وناس تقالبهم على حامي الصاج @@@@@@@@@ وتومي بهم اوماي ركب عجليا

يامن يود العلم للشيخ فراج @@@@@@@@@ لابو محمد خبره وش حصليا

أرض العريفي صابت العين بسهاج @@@@@@@@@ وصابت ضميري بالنكد والزعليا

يالله عساها من ورى ساحل العاج @@@@@@@@@ حتى تطيب النفس مني وهليا

ياشيخ دور لي مع الناس مخراج @@@@@@@@@ ياجعل مانعتاظ فيكم بدليا

حيث ان لك في سيرة الطيب منهاج @@@@@@@@@ وصعب الامور تحلها بالسهليا