من عليه شار اطلع هرجتي والا اتراكا= وكان جانا الشار من عاقل حرام اني لطيعه
الطريح ايطيح وارض المعركة فيه اشتباكا= وآخر الارقام يظهر لي نتايجها شنيعه

جيت ياصنيتان ماندري بطيبك من رداكا= من يشاور ماعزم والناس يالغالي شجيعه
الطريح أيطيح جعله يابيض الشارب فداكا=من يحول ساحت الميدان ياقف فالطليعه

لقَنا وجهك إليا جيناك لاتعطي قفاكا=وانت رجالٍ اليا جاء فاللزوم ايسد ريعه
الطريح ان جيت ابا احاكيه ماعاد ايتحاكا=ابتلش في صنعته لاعادها الله من صنيعه

هات ماعندك على ماقيل لا يكثر حكاكا=مير أنا وأنته يابن قرداح فحصون(ن) منيعه
أسعد الله ياولد قرداح يالغالي مساكا=من صنعه صنعه يعلق فالمسارات السريعه

كان جاني علم فالرجال زعلانٍ علاكا= يشتريك الرجل وانته ياولد غانم تبيعه
الحرامي تقطع ايدينه عسى تسلم يداكا= هكذا يا صاحبي حكم الحرامي فالشريعه