يا نجا لي صاحبـن وقـم الربـاع=لاجي ٍ حبه ورى حـدب الضلـوع
يمشط القذلـه ولا يضـف القنـاع=مغنجاني من بغى وصلـه منـوع
رابين ٍ في نجد في هـاك التـلاع=رابين ٍ في ضـل نطـاح الجمـوع
ضاع عمري في حراه الصدق ضاع=ضاع عمري في رجاء زين الطبوع
لا وصول ولا نقول ألـه انقطـاع=بين رجوى وياس جدواي الدمـوع
صرت مثل الطفل في حل الرضـاع=مشفحاني ٍ على الرضعـه ولـوع
مـا لفانـي منـه علـم ولا وداع=مخطي ٍ في حق محزون ٍ خضـوع
صار مثل اللي يقال مـن الرفـاع=الهبوب تلـوخ ويضـو الشمـوع
لاذكرته مـن هنـاه القلـب فـاع=فوعة اللي شايف ٍ زحف الجمـوع
ليت وصل الزين فالسـوق ويبـاع=لأدفـع الأمـوال لعيـون الفـروع
جاك علمي يا نجا وأمـرك مطـاع=ما يخيب اللي شرى سيف ٍ قطـوع

بديت باسم اللي خلـق نـور وشعـاع=عنده دبيب النمـل مرئـي ومسمـوع
يذكره تطيب النفس من كـل الاوجـاع=جل وعلى عرشه على الكون مرفـوع
جاني جواب مرسـل يشـرح اوضـاع=بوح الحزن والهم في الخـط مجمـوع
شكوى صديق عنده السـر مـا شـاع=ما احدن عرف سره بعيديـن وربـوع
يشكـي هواجيسـن تشلـع تـشـلاع=وما لوم من عود من الحب مصـدوع
فالحـب للعاشـق غرابيـل وصـداع=بذات لاما صار من الوصـل مقطـوع
تم بعدها خذت القلـم بيـن الاصبـاع=وخذيت اجر القـاف مثنـي ومربـوع
تغرب علي الشمس من بعـد مطـلاع=وتطلع وانا واعي على مسنـد الكـوع
فقم يانديبي فوق مـن يشلـع القـاع=من ديـره اليابـان مـورد ومصنـوع
لاما بغـى راعيـه فرجـه ومجـزاع=تقول كنه مـن علـى الأرض مرفـوع
نصه هـل الطـالات وبيوتـن وسـاع=بيـوت مبانيهـا مثولـث ومـربـوع
تلقـا عتيبـه كامعـة كـل طـمـاع=والبـاب لضيفـان فاتـح ومشـروع
فلا جيت لبن سحيل فأعطيه الاوضـاع=وقله خويـك معـك شافـع ومشفـوع
فامر وانا لمرك تـرا اليـوم منصـاع=نمشي على امرك وامرك اليوم مطيوع
وجهي وجاهي يامحمـد علـى سـاع=تحت الاشاره لا بغيتـه يجـي طـوع
وصلوا على من جا على الحوض شفاع=ويالله تسقينا مـن الحـوض قرطـوع