يا كان من ليلة على أرضك تساويـت =عيـا وفاقـك لا يـلايـم وفـاقـي
لو كان فالضيفـان مـا قـد ترديـت=وجوك متيـع و تعتنـي بالطراقـي
من يوم طبيتك و أنا مـا أسفهليـت=لعـل مـا يبقـى لأهاليـك بـاقـي
حاولت أوسع خاطري فيك و أزريـت=بيني و بين أطباع أهلـك انشقاقـي
واليوم غايـة رغبتـي لـو تمنيـت=فرقاك و أنتـه مـا تبـى إلا فراقـي
واللي على بعده مـن البعـد حنيـت=وينتابني عقـب الحنيـن اشتياقـي
نجد وهواه و شوف هاك السباريـت=اللي لها فـي وسـط قلبـي رواقـي
ومنادمـة روس الرجـال المناعيـت=كل أبلجـن لـه فالطويلـة مراقـي
ولحدٍ يواخذ ني ليـا قلـت هاويـت=وضح ٍ تفرق ما اجتمع من ضياقـي
وضح ٍ ليا مني مـن المـدن مليـت=معها انشراحت خاطـري وانطلاقـي
أما ليـا سنـدت و ألا ليـا نحيـت=مع درب براق ٍ سر الـه شعـا قـي
برق ٍ سرى يوضي كما يوضي الليت=بعروض نوى ٍ ساق مزنـه وساقـي
وتعرضه من رايـح الشـرق تثبيـت=يثني على الريض أرقـاب السباقـي
ليا شفت براقه على سيلـه أرهيـت=بيـض مراهيشـه مطرهـا حقاقـي
تذبح لهـا حـي ٍ و تحييلهـا ميـت=وتصبح به الوديان مثـل السواقـي
وأما تحاسنت العساسـه و عسيـت=ومشيت مع سيلـه و نبتـه دقاقـي
وألا على دربه ليا أصبحـت شديـت=وخليتهـا تـاط الحثـم و الرقاقـي
وضح ٍ ليا احتست و شافتني أنويـت=قامت تسوق أنفوسهـا مـا تساقـي
تنجال مثل الصيد لا صحت وأوميـت=وألا ليـا طـق اللبـيـد العـراقـي
يجيـك ممشاهـا تبـارى تفاخيـت=مافي بعضها عن بعضهـا انفهاقـي
ولو حال من دون المعشى مراريـت=ترهـي عليـه معربـات العمـاقـي
من ساس وضح ٍ فالجز يره لها صيت=علـى مخاذعهـا تلـوح الحـلاقـي
وليا تثنـت فـي نبـات السواريـت=في خايـع ٍ لأرقـاب نبتـه زراقـي
غادي بوسطـه لأم سالـم زغاريـت=وفيه الزبيدي مثل بيـض الطواقـي
ثـم جيـت فأولهـا وللنـار شبيـت=وقضب عراقيـب الـدلا ل الشلاقـي
ما غبطك يا للي فالحضـاره تلويـت=يا موالف الجدران ويش أنت لا قـي
لو كان فالحصن الحصين استكنيـت=وتقول أنـا مرتـاح مانيـب شاقـي
كانك علـى هالأنطـوىاستمريـت=وسويت مـع بـث القنـاة اتفاقـي
أما من السكـر شبعـت و ترويـت=وألا بصرك أوشك علـى الاحتراقـي
سج النفس واضرب دروب الخراريت=لو ما تذوق مـع الخـلا مـا يذاقـي
ما ينطوي في غرفة فأخـر البيـت=غيـر الـذي راسـه يبيلـه عراقـي

المشاركة الأصلية كتبت بواسطة قحص مطرح البعارين صح السانك والسان الشاعر الكبير ابن عون

المشاركة الأصلية كتبت بواسطة يوسف عبيد اخي مطرح البعارين صح لسانك ولسان الشاعر الكبير عبدالله بن عون قصيدة رائعه