انا نويت اصبح الطوفان = حتى يهون من حركاته
ماعندنا فاللعب دلع لسان = الشاعر اللي يحبك ابياته

وانا نويت العب مع الفنان= والله يعلم ويش نياته
عندي خبر يالشاعر الانسان=هات الكلام اللي معك هاته

بيني وبينك ساحة الميدان = واللي يطيح تضيع هقواته
تلقى الخبر مع ربعك العتبان = اللي تحرم الرجل مشهاته

بيني وبينك كفة الميزان= كلٍ بحسناته وسياته
انته بديت تسكر البيبان= ياشاعرٍ صعبه مهماته

بيني وبينك تشهد العربان = والناجح اللي وصل غاياته
لاصرت تشعبها بدون عنان = اللي تبيه تروح ماجاته

ان كان ابن راشد فصيح لسان= نذكره في كل مافاته
رسالتك وصلت بلا عنوان=والرجل تحسب كل زلاته

وان كان عقلك صابه النسيان = ماهوب من وقتك وصكاته
الناس تنظر ماهي بعميان = والعلم واضحة علاماته