واقلبي اللّي فيه مثل اللواهيب = يصبح على حال(ن) ويمسي على حال
عذبتني يا سيّد البيض تعذيب = عذابك اللّي ذقته انواع وشكال
من غبت عني ياجميل الرعابيب= اجر موال(ن) ولحّـقه موال
اعوي عليكم مثل مايعوي الذيب = لا ياعيون اللّي على روس الاقذال
يازول عفراً قلّـدوها الدباديب = عفراً تزرفل مع (مغاتير فنجال)
اللّي خذت الأولى على الشمّخ النيب= راع الولع لاشافها جاله اهبال
روقية(ن) متسلسله من هل الطيب = اللّي لهم في منبر المجد منزال
ألاّد روق اهل الكرم والمواجيب = قوم (ن) تضد ارجال وتعزز ارجال
لا جا نهار (ن) فيه ثار ومطاليب = يعرف ردي الخال من طيّب الخال
تاريخهم معروف ويعج بالطيب = امورخ(ن) لـ أجيال من بعد الاجيال

صح لسان الشاعر


وبيض الله وجهك


تحيااااااااااااااااااااااااااااتي