سلام الله سلام(ن) مانسوقه غار للثبتان=مقاديم الرجال اللي تشرفنا مواقفها
ولا ياصاحبي عيضه تقدم والعن الشيطان=نبا ننشدك عن بعض السوالف وأنت عارفها

هلا يامرحبا ياواحدً من ربعنا العتبان=عتيبه تاج راسي والمعْرفه مع عوارفها
ولا ياذياب سولف مع رفيقك والعلوم أسمان=انا ماجيت غير اسمع من عتابه سوالفها

يدوم الك البقا ياللي ترحب والكريم أمعان=ولكن في ضميري سالفه ويجوز شايفها
ترى بنت الزناتي ضيعوها شلت الورعان=وتال الوقت تبغا يالثبيتي رجل ينصفها

مدام أنّك ذياب..ذياب سيفه يذبح العدوان=وخلّك مع دروب الاولين ولا تخالفها
ترى بنت الزناتي مالها مذهب مع العربان=يقولون البطاطين الكبار ازرت تلحفها

ولكن مشكلتنا يالثبيتي بندق العميان=يجهزها خبل وأعما بصيره ما يصرفها
وأنا شفي مع اللي يازن المعنا على الميزان=ماهوب اللي يجمعها يفرقها يولفها

ولا ياذياب طب السوق واشر وسم بالرحمان=ونفسك فوق مالا تستطيعه لاتكلّفها
وصحيح ان الحظارم كل واحد حط له دكان=ولكن الحظارم حاول انك ماتسلّفها!!

صحيح السوق ماسبه ياكود المفلس الخسران=وأنا وياك ياعيضه نعدي فوق نايفها
نبيع ونشتري مانقترب من تجرت التعبان=ولكن الحظارم ماسلمنا من ملقفها