يا طير طلعك بعيد ولا قريبك قريب=تقول تملك مساحات السماء بالصكوك
صدرك على الريح يسبح في فضاه الرحيب=أهل الولع ما ثنوا عزمك ولا برقعوك
ودعتك الله لين جروح وقتي تطيب=وأمانتك لو حداك الجوع لا يشبكوك
أحيان يستلهم الخاطر فراق الحبيب=وأحيان نفسيته تثّر عليها الشكوك
أدعيك في صمت وأخشى نوب ما تستجيب=وتقول تأخذني أحيانا عليك السلوك
يسومني في متاهاتك مدار النصيب=وأودعك مثل توديع الذهب بالبنوك
وشلون أبا اخطي على قرب المسافة وأصيب=واكبر مصيبة تجي بين ابن عمك وأخوك
الدم بالثوب لكن صاحبه بالقليب=والذيب رأسه من الاتهام صار محكوك
حقيقة لو يبعدها الزمن ما تغيب=والملك لله وأنت وما ملكته لأبوك