=أقبـّـل قاعة أقدامك واغسلها بدمعاتي
=طلبتك ! قولي سامحتك وردي لوجهي بسماتي
=غلطت .. وغلطتي هذي تعير كل غلطاتي
=وربي إللي رفع ذاتك ونزّل للردى ذاتي
=بدونك .. راحتي غاية بدينك هذي راحاتي
=أشوف .. ولا أشوف إللي يوريني مساواتي
=يجيب هموم هالعالم .. ويرميها بمتاهاتي
=رميتك في بداياتي .. ورموني في نهاياتي
=نخيتيني .. وطلبتيني .. ولا حصلتي نخواتي
=رموني وضعتهم فزعه .. وأنا الدمعات فزعاتي
=سواتٍ فيك سويته وسوّو فيني سواتي
=أنا أدري فيك مشتاقه .. وهمك بس ملاقاتي
=تعبت أهرب من ذنوبي ابيك آخر مسافاتي
=أبسمع (يمّــه) بصوتك أبذكر فيها نشواتي
=غفيتي يا بعد عمري؟.. تعبتي من مواساتي؟
=أشوف الموت بعيونك .. عساها تخيب هقواتي
=أنا أمّي مدري وش فيها .. أنا مدري أنا أحاتي
=أنا أمّي ما تخليني على حزني ووناتي
=أنا أمّي ما تبكيني .. ولا تتمنى آهاتي
=إذا متي أنا بعدك أبقضي وين ساعاتي..؟
=أنا جتيك وأنا ناوي أببدي فيك جناتي
=ولا مسموح يا وليدي!! .. ولا تلعنك لعناتي!!
=وأنا بإيدي رميتك إيه .. وبعثرت أهم ملفاتي
=تركتيني على ناري أعدد فيك زلاتي
=أنا بعدك ترى مابين نهاياتي وبداياتي
=وشفت الناس تلعني .. وتحذرني من الآتي.