لولا كـلام النـاس منشقـت النـاس =هرج القفـا عشـق لاهـل الحماقـه
نـاس بعادتـه تجمـع در الالمـاس =وناس همـوم الخلـق حلـو مذاقـه
وناس مراجلها على الطيـب بقيـاس =ونـاس تبيـع الحـق بـاب وطاقـه
وناس بعزة نفسهـا تجـذب احسـاس =وناس حيـاة القيـل خبـز ورقاقـه
وناس بفزعاته مثـل رمـح جسـاس =وناس تظلل بالشفـاء خبـث ونفاقـه
وناس بطيب الجد والعـرق عسـاس =ونـاس هفـا حظـه وهمـه خناقـه
وناس مجالسها علـى الطيـب رواس =ونـاس مجالسهـا مهافـي رفـاقـه
وناس ملافيها علـى الخيـر لمـاس =ونـاس ملافيهـا جنـون وفسـاقـه
وناس تحسب العيب دربـه للادنـاس =وناس رمت عيبـه بجنـب العلاقـه
وناس تخايرهـا بحسـك والانفـاس =ونـاس تجنبهـا وعزمـك شفـاقـه
وناس سلـوم ولطـواري والادمـاس =وناس خفاف الشوف وكسبـه فراقـه
ونـاس حـدود ولوتعديـت مسـاس =ونـاس هيـار ولـو تمنيـت فاقـه
وناس هوايتها مـع الخيـل وافـراس =ونـاس توهـم بالـوزن والرشـاقـه
وناس خيارالقوم ودربه هـو السـاس =ونـاس سقـاط وللذوايـب مشـاقـه
وناس حمت ديره وضربه بالاخمـاس =وناس تراجف خـوف ورده رواقـه
وناس كسـت ضيفـه وده بالاونـاس =وناس رشت جوفـه ومـده سراقـه
وناس شمال الارض وحبه على الراس =وناس جنوب الارض وحـده نعاقـه
وناس شروط الكيف فوقه بعد كـاس =وناس تسـود وشرهـا فـي زعاقـه
وناس سعت للخير وده هـو احسـاس =وناس تدني الـراس وخوفـه بساقـه
وناس جنت بالكـون دعـوه بنسـاس =وناس تـدور ونومهـا فـي حراقـه
وختامها ماني علـى الكـل كـراس =ولاضنتـي بزيـد صنوفـي زراقـه