جتني تصيح وتذرف الدمـع وتنـوح=جتنـي تقـول أبـوي قـرر عذابـي
جتني تشيل أحزانهـا هـم وجـروح=قالـت تـرى الليلـه يكتـب كتابـي
تقول شوف الحال والوضع مشـروح=من زود همي صـرت أقطـع ثيابـي
شفت العباير من علـى خدهـا زوح=تبكـي تهـل الدمـع لا واعـذابـي
من بعدها جسمي على الأرض مطروح=تايه ولا أدري ويـن درب الصوابـي
أردد الاًهـات والقـلـب مـجـروح=أسهر مـع النجـوم محـدن درابـي
خلاص باقي العمر مامنـه مصلـوح=ماعـاد ينفـع هجـرنـا والعتـابـي