=علـى نجـد العذيـه تنتثـر ويلـوح بارقهـا
=وعلى روس الجبال تسوق وتغطـي شواهقهـا
=وروس المزن ضافيتن على نجـد ومناطقهـا
=وأبـي راع الجهـام يجيبهـا للنبـت سايقهـا
=عريضات الخدود اللي طويلـن حـد عاتقهـا
=واذانيهـا كمـا حربـة شجيعـآ قـام يذلقهـا
=طويلات الغوارب شامخـهَ سبحـان خالقهـا
=على رد العدا دايـم جمـوع الخيـل نصفقهـا
=رعت نبت الخطر في ضفهم محد(ن) يضايقها
=صناديـد النشامـا دونهـا تفهـق بنادقـهـا
=ليا جت سربـة الطمعـان راكزتـن بيارقهـا
=بروض(ن) مخضرآ ترعى وتقطف من زمالقها
=ادق الجيب سلف لديرتن من صغـر عاشقهـا
=بواكير الوسامـي فـوق قاعـه هـل دافقهـا
=نحيفات الوسوط اللي سنى النيـران محرقهـا
=وأزهب بندقي لاجيت برض الصيـد وافهقهـا
=امد اللـي ندبهـا لـو تطيـر بعيـد يلحقهـا
=قصيرين الشبـور نشـوم عنهـا مانصادقهـا
=أبسبح مابدالي من بحـور الشعـر واطرقهـا
=هوى نفسـن أدلهـا عـن همومـن تزارقهـا