الشعر يقضي حاجة الصمت ويزود=لكنه أكثر من يثير الضغاين
ويعف لا صارت بدون أم عبر ود=ويودع عسيفات المحبة رهاين
لو كل من يطرد لحق كل مطرود =شفت العجب في كل حزم متباين
البارحة مريت في حلكة السود =وأسهبت قبل إطناب غر الثماين
حولت جوالي على رقم موجود=عن استلام مكالمات الكباين
بديت ذكر الله على كل منقود=وطرت علي أم الرمك والسناين
أسج واذكر عهد من دونه عهود =وأنساه ما بين القرى والمداين
أحب سيرة كل من ينطح الكود=والليل لا صار القمر فيه باين
أجود لا قلوا هل العرف والجود=وأزين لا شفت أكثر الناس شاين
لي في تضاريس الزمن ضلع وحدود=ولي في صعيبات المراقي خزاين
الماء قراح زلال صافي وقر هود=ما يلحق النفس العزيزة غباين
لله دره كل ما ذعذع النود=اللي على تل المعاليق ماين
وألا القصيد طروق وبروق ورعود =والسيل عرم وقاسي القاع لاين
من جاء بدربه راح ما عنه منشود=ساقه مثل سوق العرب للضعاين