ان كان تبغى طريق الحب وعلومـه=اعرف تراني طريق الحـب خليتـه
عايف نهاره وبعـد مبغضـن يومـه=مليـت درب الهـوى يازيـن مليتـه
مالوم قلبي على مـا صـار مالومـه=حسايف اكبر حسايـف يـوم تليتـه
روحي معك بس عيني منك محرومـه=وقلبي على سكتك شف ويـن وديتـه
ماباقـي الا المولـع يرمـي هدومـه=من جرحه اللي سطابه وانت ما اشفيته
كمن قصيده على شانـك ومنظومـه=وكم جمرن احمر على شانك توطيتـه
وكم ونتن في صميم القلـب مكتومـه=ولا مثلك انسان من هالنـاس حبيتـه
اثر الثقه فيك يابـن النـاس معدومـه=جنبت دربي ولدري ليش ما اعطيتـه
فرقـاك مـع دورة الايـام مقسومـه=ماكني اللـي زمـان فـات خاويتـه
مدام بحـر الهـوى ماتقـدر تعومـه=بالله وشلـون قلـي كيـف طبيـتـه
لاتقول نفسي بدرب الحـب منجومـه=مدام الك عقـل ليـش البـاب فكيتـه
منته بقـد الغـرام ورحلـة همومـه=والشاعر اللـي تعلـق فيـك غثيتـه
لاصار ماتفرح اليـا جـاك بقدومـه=وشلون تبغـاه يفرحبـك ليـا جيتـه
ترى القضيـه رفعناهـا ومحسومـه=لا تقـول ليتـي ولا ونـي ترجيتـه
واللي سواتـك لوانـه ورد ماسومـه=لو قال قلبـي طعنتـه وانـت عنيتـه
فلة محبتـك مـن هااليـوم مهدومـه=من صد قلبي عن اللي صـد صديتـه
النفس ماهي ببعض النـاس ملزومـه=مدام حبـل الوصـل بيديـك قصيتـه