الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   مجلس الهيلا العام (http://www.otaibah.net/m/forumdisplay.php?f=4)
-   -   محاورة بين سعودي واجنبي(مضاربين) (http://www.otaibah.net/m/showthread.php?t=22541)

خلف بن مرزوق 08-Apr-2006 11:12 PM

محاورة بين سعودي واجنبي(مضاربين)
 
00000

000






السعودي "
يا مرحبا بالاجنبي يوم شرف
في سوقنا طب وتخير تصرف
عندك رقم سري وعندك معرف
والسوق زين وكل مطرود ملحوق

" الاجنبي "
امي تقول ابعد عن اهل الدسايس
وانته نفر مزبوط مررررة ونايس
رواتبك بتضيع في سوق خايس
والسوق زين وكل مطرود ملحوق

" السعودي "
بكرة بعد تشري ولا حد يغشك
وتشوف شغالة كفيلك ترشك
ومن بعدها يا طير ترجع لعشك
والسوق زين وكل مطرود ملحوق

" الاجنبي "
لي عندكم عامين رابط معاشي
ان كنت شايفني بعينك ولاشي
ابشتري سابك وارش المواشي
والسوق زين وكل مطرود ملحوق

" السعودي "
حتى ولو كانت قروشك شوية
جبنا لك الاسعار مثل الهدية
نخاف لا ترفع علينا قضية
والسوق زين وكل مطرود ملحوق

" الاجنبي "
صحيح لكن الرخيصة رخيصة
لا تدخلونا في مشاكل عويصة
اللي غشيم تبيعونه قميصه
والسوق زين وكل مطرود ملحوق

" السعودي "
الوقت ماهو وقت تحليل فني
يا الشيخ بن كومار خيبت ضني
لا تسحب لساني ولا تمتحني
والسوق زين وكل مطرود ملحوق

الاجنبي
والله لو ما اخاف يقطع لساني
لا اقول عما صار واظهر جناني
يوم الخميس في اخر اربع ثواني
والسوق زين وكل مطرود ملحوق

" السعودي "
ان كان تبغى العافية والسلامة
وتعود عند اهلك بثوب وعمامه
ابعد عن الموضوع عيش بكرامة
والسوق زين وكل مطرود ملحوق

" الاجنبي "
هذا موشر لازم يقفل اخضر
والشركات الثانية تنزل اكثر
حتى تتوب ويصبح نهارك اغبر
والسوق زين وكل مطرود ملحوق




منقول

سعد بن مطلق المقاطي 08-Apr-2006 11:22 PM

صح لسانك وسلم بنانك يالمشرف خلف على هذي المحاروه الفكاهيه

النافذ 09-Apr-2006 09:44 AM

شكراُ لك على هذا المقال
صح لسانك وسلم بنانك

ابـن نـعـيـس 09-Apr-2006 06:49 PM

لاهنت


تحياااااااااااااااااااااااااااتي

نواف2007 09-Apr-2006 10:28 PM

لاهنت


تحياااااااااااااااااااااااااااتي


الساعة الآن »12:44 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd