افيدوني الله يفيدكم بقصة وادي الرشا
 

السلام عليكم ورحمة الله وبركاته

ومساكم الله بالخيرات

افيدوني الله يفيدكم ويصلحكم

ابي قصة وادي الرشا وابي قصايد شعراء عتيبة وابي شيوخ قبايل وقبايل عتيبه اللي شاركت

ولكم تحياتي وتقديري لشخصكم

اخوكم

سطام بن فهيد:)

ياللي تج الكرزان مع روق وعصيم *** قله ترا واد الرشـــــــا راعيه جاه
الحر الاشقر جــــــا لجنحانه وشيم *** فيصل ولد سلطان سعد اللي نخاه
.................................................. ............................. العويرا الحربي

واد الرشــــا مهوب لحدن من قديم *** الا لمن ساق الجمــــل ثم احتـــماه
خلوه من بعد القسـا بني مضــيـم *** راحت شرايدهم لصبحــا والحصـاه
وعنه الدويش منزحينه للقصــــــيم *** مهوب حـــــربي نفخ ذربه يـــــباه
.................................................. .............الفارس ابا الجلادا العصيمي

العلم عند الله ثم عند ابن عاصم والمتنبي
 

افيدونا

بسم الله الرحمن الرحيم ...

معركة وادي الرشا كانت بين عتيبة من جهة ومطير وحرب من جهة أخرى ... نزلت حرب على وادي الرشا وأرسلت لعتيبة تنذرها بالحرب وطلبت العون من المطران فحضروا بقيادة فيصل الدويش وقال شاعر حرب العويرا يمدح الدويش ويهدد العتبان :

ياللي تج الكرزان مع روق وعصيم *** قله ترا واد الرشـــــــا راعيه جاه
الحر الاشقر جــــــا لجنحانه وشيم *** فيصل ولد سلطان سعد اللي نخاه

فقام الفارس أباالجلاد العصيمي ليرد عليه فمنعه الشيخ والفارس أبا العلا قال له " الرد بعد الفعل " ودارت المعركة وأنتصرت فيها عتيبة فكان رد أبا العلا :

واد الرشــــا مهوب لحدن من قديم *** الا لمن ساق الجمــــل ثم احتـــماه
خلوه من بعد القسـا بني مضــيـم *** راحت شرايدهم لصبحــا والحصـاه
وعنه الدويش منزحينه للقصــــــيم *** مهوب حـــــربي نفخ ذربه يـــــباه
الحر الأشقر نتفو ريشة عصيم *** وذبحوا شيوخه يوم الله ماهداه

هذي هي معركة وادي الرشا بأيجاز

تحياتي ... سحيم العتيبي

اخوي سحيم
 

السلام عليكم ورحمه الله
انا لى مداخله وسع صدرك على شوي
الى رد هو الفارس شويمان ابا الجلادا وليس اباالجلاد العصيمي وليس الشيخ سلطان ابا العلا .
وصحيح انه مارد حسب راي الشيخ سلطان الا بعد انتهاء المعركه .
وهذا للتوضيح فقط
ولك تحياتي

من قال ذا البيت افيدوني

وادي الرشا بنتن تحب الغيره0000ينثر عليها المسك والريحان


ولكم تحياتي

كأنك ماتعرف قايل البيت هذا ياسطام

هذا البيت لهذال بن فهيد

وهي كالتالي

علي قفارة نجد من جيره ××× من زيد ابن شفلوت والصعران
وادي الرشا بنت تحب الغيره ××× ينثر عليها المسك والريحان

وهذه الابيات ليست في وقعة وادي الرشا ((الرشاويه))

وللعلم ابن فهيد والشيابين لم يحضرو كون الرشاويه

اما معلومات كون الرشاويه قريبا باذن الله

صدقت يافارس الهيلا
 

فعلا الي رد هو شويمان وليس أبا العلا ... غلطة مطبعية بحته وقع فيها سحيم والمعذرة من الجميع

اخوي سحيم
 

مشكور على ردك السريع
وتدارك هذه الغلطه المطبعيه

من سكان ودي أرشا الأن