الهيـــــــــــــلا *** منتدى قبيلة عتيبة

السلام عليكم ورحمه الله وبركاته

واخواني وابنا عمومتي اعضاء وزوار منتدى عتيبه

هذه قصيده قديمه انتبة اليها بعد ان غشاها غبار الادراج

وحبت ان انقلها لكم

وهي لها مجاره من الشاعر عذاب الصيد

لا اطيل عليكم

تقول قصيدتي[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
ياملٍ قلبٍ غربلته المطاريش=يبي مزار اديار نعاس الارماش
ابو عيونٍ ناعساتن مراييش=من حسنها قلب العنا صابه ارعاش
يازين قلبي عقبكم ماقوى العيش=الروح عندك ياريش العين تعتاش
ليتك تشوف اللي لشوفك معاطيش= وترفق لقلبٍ من عناء الشوق مناش
ماكني الا من هزال الدراويش=حكمتني بالشوق والشوق بطاش
يامترف نومه على ناعم الريش=ارحم خليلك يابعد كل من عاش
مانقبل بغيرك من الزين لو ايش=ومن يمكم ماسمع لهرجه ولد لاش
ان ما حصل شوفتك عقب المطاريش=ولا نبا منكم زياره فالانعاش
[/poet]

اما مجاره عذاب الصيد وهي افضل من قصيدتي

يقول
[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
الله من قلبٍ تكدر له العيش=دكن عليه اهجوس فكره ولا عاش
سبه وليفٍ والفه حزه الطيش=عشقه عفيفٍ ما عشق عشق غشاش
عينه كما عين اشقرٍ ينفض الريش=مضرب سهمها موسط القلب ثم طاش
وهاض الضمير وقلت وش هيضك ويش=قال الكلام اللي سمعته على اش
يفزله قلبٍ عروقه معاطيش= زلٍ ويشكي من غرابيل مطراش
ويشكي من اسباب العنا والهوى ليش=ليش الزياره ماتجي قبل الانعاش
يازين ياطب النفوس المراعيش=ياجافلٍ من وصل خلك ومنحاش
ياناقشٍ كفك بحناك تنقيش=اللي سرح في منظرك صابه ادهاش
ياعود موزٍ ناعمٍ ما بعد نيش=اللي يبا وصلك ترد على ماش
خل الزياره يالغضي منك حتى ايش=ولا يزورك والمهم قبل الانعاش
[/poet]

وتقبلبو تحياتي بعد ان تسامحوني على القصور

اخوكم

الصمصـــــــــــام