بدعـت نظـم القـاف والـراي صايـب=ابيـات تُـقـرا مــن ظمـيـري وتكـتـب
أجنـي ثمـر وآخــذ عـزيـز الركـايـب=واجمـع مـن العذبـات وادّور اعــذب
دست المخاطر دوس ما نـي بهايـب=حر(ن) علـى دوس المخاطـر تـدرب
اصبح سوات الرْعد جوف السحايب=وامسي سوات الحر في راس مرقب
انــا شـبـاب وقالـتـي قــول شـايــب=زيــزوم فــي كــل المعـانـي مـجـرب
مــا هــو بـقـول مـدوريـن الطـلايـب=قول الرجال اللي لها الطيب مكسـب
مـن خالـط العربـان يلـقـى عجـايـب=وان خالـط الادنـيـن يلقـالـه أعـجـب
احـد(ن) علـى راسـه تهـب الهبايـب=واحد(ن) كما قالـو بـه النـار تشتـب
واحد(ن) على ربعه رضي بالنوايب=يرضى عليك احيان واحيـان يغظـب
كم واحد(ن) صابر جروحه عطايـب=وكم واحد(ن) ما حيلته غير يـا رب
ان كان به ناس(ن) تجيـب النكايـب=الله يلعـنـهـا عــلــى كــــل مــذهــب
ان قــال لــك تـوبـه فـلاهـو بـتـايـب=بطن الثرى مـا يسكنـه غيـر عقـرب
الـلـي يـحـب الخـيـر للخـيـر جـايـب=والـلـي يـحـب الـعـز للـعـز يـرغــب
والـلـي يـحـب معكـرشـات الـذوايـب=يطـرق بيـوت العـز لـو كـان يتـعـب
ان جات في بيتك ورى البال طايـب=وانته من اطيب دايـم الـدوم لأطيـب
يطلـع ولدهـا مـن رجـال الصعـايـب=يرقى على الصعبات ويـدور اصعـب
وحذراك تاخذ من بيوت(ن) خرايـب=لا تخدعك نظره من الرمش الأهـدب
ان جات فـي بيتـك تجيـب النشايـب=وانتـه تحـرك فـي طرفـهـا وتنـشـب
ويطلـع ولدهـا دايــم الــدوم خـايـب=ماهو بداري من مدحلـه ومـن سـب
هـذا ويـا حاظـر لـيـا شـفـت غـايـب=اعطه جواب(ن) من ظميري مرتـب
اختر صحيبك من جميـع الصحايـب=اللـي يحـب اهـل الـوفـا دوم ينـحـب
علـيـك بـالاجـواد لــو هــم غـرايــب=امـا الـنـذل حــذرا ولــو انــه اقــرب
واعرف ترى الاجواد عندي حبايـب=ومالـي مـع الأنـذال ماكـل ومـشـرب

منجمٍ فكرك وذهب شعرك


صالح الازوري

صح لسانك ملايييييييين
ولاهنت ولاهان فكرك يالمبددددع

اعجابي يزداد

دمت للشعر ولنا