مرحبا باسم الرجال موردة علط الرماحي=باسم روق وباسم برقا في طرف شبه الجزيره
ياجماعه دوروا لي شاعر بالحيل صاحي=ماينير ولايشير وكل ربعه تستشيره

البقا رديتةٍ تاتيك من كل النواحي= باسم عبس أهل الوفا والجود والاسما الشهيرة
ودي آنشدك عن قصة حبيب والرياحي=ياعسى بالأمر خير ويا عسى بالأمر خيرة

يالرشيدي عقب زهبت الذخيره فالسلاحي=انتبه داخل خباها لاتثور بك الذخيره
يامنادي بالصلاحي يامنادي بالفلاحي=حيلتك من دون حالك لاتفكر فالكبيره

لو أشب النار تحت القدر كان القدر فاحي= مير أنا ماني مع أهل المعرفة شباب نيرة
ردها ياواسم اللاحي على الحزم الصحاحي=وإعرف إن الأولة تاخذك من كف الأخيرة

لاتشب النار وتصير الضحيه والاضاحي=عندنا والله مانرحمها لياشبت سعيره
اختر اللي ودك بها صاحبك وسام لاحي=ماوسم كود اللحي الطيبه في كل ديره

والله إني عن طمان الأرض يرفعني جناحي=لو أشب النار بالمسكين صارت لي معيرة
أنت ودك كل ماتضمى تحصلها قراحي= مير حظك وردك هداج وحبالك قصيرة

الفراش يطير وليا مر نار القوم طاحي=والحرار الشقر في روس المراقيب العسيره
عقب سارت قافلتنا ماعلي من النباحي=يقعد النباح وعتيبه تكمل فالمسيره