| طلاع الكريزي |
26-Mar-2006 12:44 PM |
البخيل والهر
السلام عليكم فيه قصه اسمعها من زمان وهي قصه رجل بخيل مره وقام هذا البخيل وسافر لحاله مامعه احد ويومنه اقبل علا الديره الي يباها امطرت عليه السماء وكان المطر قوي المهم ان البخيل قام يعدي وزبن الديره وطبعا قام يمشي في الديره ولافيها احد مطر وغرقه وليل والناس كل في بيته ويوم حس انه غرق لا هاك الرجال يناديه ياولد ياولد قال سم قال انت مننت قال خوينا البخيل انا طرقي قال الرجال مرحبا والله ومسهلا اقلط اقلط والله انها الساعه المباركه ويقلطه ويلبسه بشته ويدفيه عن البرد ويجيب هاك الصحن وهبت الريح ويوووووووووووم شبع البخيل وملا بطنه وهو ينشد الرجال قال ياطويل العمر انت قلطتني وعشيتني وحتا بشتك لبستنيه انت مننت قال المعزب انا الهر استغرب من الاسم البخيل قال والخير هذا منين جاك ياالهر انت تاجر في السوق قال لا يرجال هذا رجال غني توفا واعرست علا حرمته وهو يقحص البخيل ويحذف البشت وقال عز الله انك هر وهو يعلق بديرته ويوم دخل الديره ليا السوق توه فاتح وهو يجدل من الغرضان وهو يرسل الحمال للبيت ويوم وصل الحمال للبيت ضرب الباب قالت المره من قال انا الحمال معي اغراض ابا نزلها قالت غلطان يابوي انا رجلي بخيل مايشتري شي لاوالله البخيل يوم وصل ومعه بعض الاغراض قالت الشوفه وش نزل عليك يابو فلان اليوم شارين اغراض وخير مشاالله قال البخيل
نبا نبيد المال قبل يبيدنا =قبل يجي للمال هر يبيده
طلاع الكريزي |
