سلام بقاف للعراف مطوي مثل طي البير=وطي البير يحفضها مايدفنها على ماها
أنا شاعر ولي وجهة نظر وحده فقط لاغير =أقول الشعر غبه من طفح عنها تعداها
هلا يامرحبا ترحيب يسبح في بحر ويطير=يحل من الدير اللي حبيب ماتحلاها
كلامك مايتعبني بسيط ولايبا تفكير=ابا اكتبلك حروف منقطه بسطور ومحاها
والا ياطير يالي مايشوفك غير جن مطير=متى تلقى الطيور اللي مخاليبك تعشاها
ياعبدالله هداك الله تراك بخير وانا بخير=لاكن الرجل يتعب في لزومه لين يلقاها
أقول انك واشك انك تبيع الاجر بالتأجير =وهاذي عدها يالعازمي وانا اتعداها
أبو سبعة كفر يمشي ولاهو مثل ابوجنزير=ابوجنزير يسرف فالجبال اليا تولاها
أنا مانيب مثل اللي يقولون الذهب قصدير=وخو مره على الجره لاكحلها ولا عماها
لون الذيب يمشي لين يصدم في جبال النير=مصيبة قوم صالح ناقة الله وسقياها
أنا ماقول فيك اطقوق لاقاصر ولاتقصير=ليا ضيعتلك حاجه بعد شهرين تلقاها
من اللي يحسبن الخمروالميسر لحم خنزير=والارض وماطحاها من ضحاها الليل يغشاها
ليا طاب المريض من المرض وش حاجة التقرير=نهاية علته يومن ربي يسر ادواها
عطاك الله من هموم الليال السود حمل بعير=وحدتك الجمال اللي هديرك ضاع فرغاها
سمت انك عميل(ن)تدعم الارهاب والتفجير=من اللي كنت تنفض راسها وتحك علباها
ولاكن النادم ماعليه ان المصير يصير=وتطهير النفوس احسان نيتها وتقواها
كمنك قد قضيت اسبوع في كابل وفي كشمير=وحالق لحيتك وتعير العربان بلحاها
ولا يالزير سالم ليت مثلك لونص الزير=علشان العرب تعرف عصاها اللي تعصاها
ولا يالعازمي مسرع ومتهور بدون انبير =ولا يازينها لو القدور البيض بغطاها
أكل مفرودها سبع الخلا وازرت ترام الضير=ولاندري من اللي عندها ويروح ماجاها
أناخابرك ماتسرع ولاكنك عكست السير=وجتك النجده اللي يقبس ادناهامع اقصاها
عساها ماترام الا بعد يحصلها تدبير =وعبدالله يرعاها مايدري كيف يرعاها