تنبت صحاري نجد في عشبه اشواك=هذا دليلـه عـن خوافـي همومـه
يامن سألها عن تصاريف الأفـلاك=تخفـي عناهـا للمواجـع كتومـه
صحراء قلبي همهـا فـوق الادراك=تاخذ صحاري نجد منهـا سمومـه
غواني يأسي والخديعـه بممشـاك=ذاك السراب اللـي تحـدد حزومـه
وقفت في صمت اطالـع ضحايـاك=قلبي وروحي والقصـور مهدومـه
لاكنت ارى الدنيا تراقـب خطايـاك=يومن تجيبك ويوم ضـدك ظلومـه
كنت الـذي لفجـوة العقـل مـلاك=ومن شان عينك حارب الجفن نومه
ودموع عيني تغسل ايـام ذكـراك=وتخفف همومي بعطـف ونعومـه
انا الذي من بـدت الخلـق اهـواك=آثـار حبـك بالضمايـر رسومـه
ابعد غرامك عن هوى قلب اغـلاك=بعد الصحاري عن عوالي نجومـه