اقرب ياشاعر روق وارفع عيونك فوق =إلي علاك حقوق صافي على صافي
حنا عيال الجد لاعودت للجد=احذر تبيح السد صافي على صافي

جيتك ياها الرجال بس اطرح المعدال=حتى يطيب البال صافي على صافي
وانته بناخيه ياصافي النيه=يامحتم الهيّه صافي على صافي

هذاه معدالي دوك امسك عقالي=معدال يا خالي صافي على صافي
ياصاحبي وش صار جتك اخر الاخبار=نسمع علوم كبار صافي على صافي

هيا اشرح القصه عجل ياخو حصه= والمخطي انقصه صافي على صافي
ماصار غير الطيب والعيب في اهل العيب=عله وشقّت جيب صافي على صافي

الرجل اله مقدار في نت ولا غار=وانته رفيق وجار صافي على صافي
الاوله عندي من عصر ابن هندي=رقوك يالجندي صافي على صافي

في اللي حياهم قل وش رايك انته قل=ياناس هل يعقل صافي بلا صافي
نبا نمررها واحذر تكررها=عندك ماادورهاصافي على صافي

حشم بني عمك لايفتور دمك=وان جات من يمك صافي على صافي
الحق مايزعل والنار لاتشعل = والواسطه تفعل صافي على صافي

ابشر على راسي واعداك تنداسي=واعطيكم الكاسي صافي على صافي
عساك فيك الخار وانا مع اهل الدار=لي حشمه ومقدار صافي على صافي