الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصة وقصيدة (http://www.otaibah.net/m/forumdisplay.php?f=6)
-   -   رديــــه السبيعي والعتيبي (http://www.otaibah.net/m/showthread.php?t=21263)

بن عضي 13-Mar-2006 02:13 AM
رديــــه السبيعي والعتيبي
 
أليكم رديه بين الشاعرين فهد السبيعي(وحيد الجزيره)وفيصل بن غالب بن مطزان العتيبي ...تفضلواااااا

الشاعر:فهد السبيعي(وحيد الجزيره)


راكـــــــــبن فقـــــسار من مصنعه ماجا بلاش***مـــــــــايجيبه غير رجلن ثري مثل بوش
طــــــــالعن من معرضه والثمن قد سيق كاش***وأضمان اللي معه داخل الدرج مخشوش
لـــــــونه أبيض مثل بارق ظلامن في رشاش***والمـــــــراتب مخملن لونها يزها النقوش
ســــــــــــايقه لاركب فوقه ودق السلف شاش***مـــــثل قايد دوله وفاز في حرب الجيوش
راكــــــــــــــــبه ماقد جابه عند بيبان الوراش***ولابــــــــــعد شالوه للمنطقه فوق الونوش
ســــــايقه ماهـــوب يدرئ عن ارضن هشاش***لآًًنس البنــــزين ياطا الوعر كنه مخروش
وأن عطـــــــــــــاله مع تخاتيخ وديارن نشاش***مايـــــــــــداني رجل راعيه لبنصه تنوش
سايــــــــــــــــقه بالمرجله وافين ماهوب لاش***صافــــين قلبه من الغل ماهوب بمغشوش
منوة اللــــــــي ماخذن رخصته عقب المعاش***مـــــــــــــاليٍ مخباه والدرج مليان قروش

رديـــه الشاعر:فيصل بن غالب بن مطزان العتيبي

بـــــــــــــــــــــأسم من بارك مساريح الغباش***أبـــــــتدي نظم القوافي بأسم رب العروش
ومــــــــــرحبا بك يالسباعي عد وبل الرشاش***وعــد سيل لاحدر من قرنة الوادي يغوش
أنـــت ياعـــز الخوي وأنت من فالصدرجاش***وأنــــــت ياستر العذارى ويانسل الوحوش
اركــــــــــــــب اللي لاتحدر كما طلقة كلاش***ولا أعترضلك بنت شيخن تسلهم بالرموش
جيــــبن أبيــــــــض كن لونه جديدات القماش***وســــــــــالم من السمكره وأيضاًً الرشوش
ولافـــهقت الـــــــنير والارض العكـــــــــاش***داخـــــــــــلن ديره عتابه وطبيت الجموش
شـــــــــــــــــــــرفونا بالزياره وعدو للمعاش***أنتـــــــشرف كل من زارنا بوجهن بشوش
وخطـــــــــــــــــــــكم جـــــــانا ولافيها نقاش***وأســـــــــــتلم ردن نــــــــظمته فوق اوش

شاعر متواضع 13-Mar-2006 04:24 AM
تسلم ولاهنت
 
صح السان الشاعرين وتسلم أناملك على النقل يابن عضي ولاهنت
نشوووووووووووفكم على خير

طلاع الكريزي 13-Mar-2006 05:00 AM
مشكور يابن عضى وفيه قصيده قالها الشاعر الكبير مرير الحبيل العتيبى فاالجيب وهي من ازين القصايد ورد علاه ابونيان الحربي مدرى عاد تعرفها والالا مار انصحك تسمعها وشكررررا

وليد الزراقي 13-Mar-2006 09:07 AM
تشكر على نقلها
تحياتي

ابـن نـعـيـس 13-Mar-2006 10:20 AM
تسلم يمناك وبيض الله وجهك


تحيااااااااااااااااااااااااااااااااتي

فواز الشيباني 13-Mar-2006 11:29 AM
يعطيك العافيه

وما قصرت
يا غالي

تاج السلاطين 13-Mar-2006 01:49 PM
ابن عضي

تسلم يمينك اخوي ع النقل الرائع..

وبيض الله وجهك لاعــدمــناك

وصح لسان السبيعي والعتيبي على تألقهم وابداعهم

روق والسماء فوق 13-Mar-2006 03:00 PM
صح لسان الشاعرين
وتسلم يالغالي ابن عضي

بن عضي 13-Mar-2006 11:51 PM
تسلمـــــــــــون على مروركم الكريم والطيب ومشكورين:)

منصور بن فهيد 14-Mar-2006 04:56 AM
يعطيك الف عافيه يابن عضي

على هالمشاركه الطيبه

بانتظار مشاركاتك القادمه بشوق

تحياتي وتقديري


الساعة الآن »06:28 PM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd