سلام رديه تداوى المصاخين=واللي تعذر فالليالي علاجه
أقولها وأنا صعوط المجانين=في سلم ولا في نهار المواجه

المشاركة الأصلية كتبت بواسطة بعيـد الهقاوي سلام رديه تداوى المصاخين=واللي تعسر فالليالي علاجه أقولها وأنا صعوط المجانين=في ساعة(ن) من سلم ولا مواجه

يامرحبا ترحيبت(ن) تقضي الدين = وتمشي عدل واتكب درب العواجه
بالعدل والحكمه تقر الموازين = وكلن مع التجار يعرف خراجه

عاداتنا نثني خلاف المخلين=لا جاء لميدان الملاقا عجاجه
ياشاعر(ن) ماله رموز وعناوين=وأنشد مع الشعار قالوا خواجه

المشاركة الأصلية كتبت بواسطة الوليد العتيبي صح لسانك يابعيد الهقاوي في إنتظار الشاعر المقابل تحيات ابو خالد

انا من اهل العرف ربعي مسمين = اشرب قراح العد واترك هماجه
واللي يجيب العلم ماله براهين = تراه يالعراف عيب وسماجه

العرف للعراف ولا أنت مسكين=مالك مع اهل العرف فالوقت حاجه
واللي من أهل الهند والسند والصين=من منسبه قام يتعكر مزاجه

انا من اهل العرف والناس دارين = وراع الوفا والطيب يضحك حجاجه
وبعض العرب غادي سوات ام ضرفين = خبلن مضيع صيدته في عجاجه