سلام ياعز الخوي حزة الضيق=من صلب جدي وافتخر وقت طرياه
اسعود يوم ان المراجل توافيق=حاز النعم من طيب ساسه ومجناه
حر ٍ تعلّى عاليات الشواهيق=يصعب على بعض القرانيس مرقاه
واليا مدحته يشهدون المخاليق=فـ الساعه اللي من يدوّره يلقاه
هو مسندي وقت القسا والتعاويق=وانا كما سيف ٍ مصقـّل بـ يمناه
لا باس ياذخر الرجال المطاليق=لله جل الملك ماخذ وماعطاه
دنيا" تقلب ماتحفظ المواثيق=هذاك تقبل لّه وهذا تقفـّاه
وكم صبّحت ناس ٍ قبل فكة الريق=وأحد ٍ تهجده والعشاء ماتعشاه
دايم على الغرات جمع وتفاريق=واسبورها تفجع رجال ٍ مزكاه
ماجور ياعز الخوي حزة الضيق=مادام راسك حيّ . منصا ومحجاه