|
يالله اخرجنا
السلام عليكم ورحمة الله وبركاته
اهدي لكم هذه المحاورة والتي جرت بين الشاعرين الشاعر / مستور العصيمي و الشاعر / ملفي الشلاحي في قاعة الملكية بالرياض الشلاحي : يامرحبا ترحيبةٍ ماهي غريبـة مـن مطيـر اهل الكرم واهل الوفاء ما تختلـف عاداتهـا مبروك ياليلٍ جمعت اصحابنا جعلك سفيـر والله يبارك للنشامـى فـي جميـع اوقاتهـا العصيمي : دام البقاء ياللي ترحب يا عسى فالامر خيـر خلـك علـى نيتـك والعالـم علـى نياتهـا ياطير ياطير السعـد كـلٍ بجنحانـه يطيـر هز الجناح وضم صوتك للعرب واصواتهـا الشلاحي : علمي على وضح النقا والليل والماقف خطير نياتنـا ماتأخـذ العالـم عـلـى غراتـهـا يكفيك عنوان الكتاب اللي مطـرّز بالحريـر اصحابنا الليلة حريصيـنٍ علـى مرضاتهـا العصيمي : انته تبا الدعوى على كيفك وهـذا مايصيـر عسى بوابير البحـر تسبـح علـى غباتهـا الروح لا ترمي بها في بير والا في غديـر وليا طرالك كلمـةٍ فيهـا الصراحـة هاتهـا الشلاحي : الله على كل الدعاوي ياابيض الشارب قديـر يمكن بعد بكـرة تجيـك شهودهـا بثباتهـا حنّا ترانا ياعتيبـة ندهـن السيـر ويسيـر الشاهد الله والعلـوم اللـي سمعـت رواتهـا العصيمي : الله يخارجنا مـن الايـام والشـر الشريـر يا صاحبي صل الصلاة اليا عرفت اوقاتهـا يا هل الغنم ما عاد فيها لا صبوح ولا مضير والناس ما تكتب على جنب الحجر حسناتهـا الشلاحي : نمشي على الملة ودين الله ولا نبغى شويـر وانته صلاتك ليه كثـر سجودهـا ركعاتهـا حنا هل الميقاف واهل الرمح والسيف الشطير والا انت بقعا ما كسرك الا عصى مسحاتهـا العصيمي : يا ملفي الليلة تـرا الدنيـا رحاهـا تستديـر عسى مطير شيوخها تامـر علـى عياتهـا يا صاحبي يا صاحبي لانته غني ولا فقيـر حالتك وسطى والمحطـة غيّـروا موجاتهـا الشلاحي : انا معلمك أولى ما حاصـل الا كـل خيـر عتيبـة الليلـة محـى معروفهـا سياتـهـا وانا ادري انك يالعصيمي شاعرٍ منته باميـر مير القصيدة راجعوهـا وانقـدوا فابياتهـا العصيمي : لا عاد نسمع في سنعكم لا صياح ولا صفير اهل اليمن ما عاشت الا من مـزارع قاتهـا |
...
. لاهنت يالوليد ... مشكور على مجهودك ... لكن ياليت تخلي لمواضيع بقية الاعضاء مجال ... واخبرك ان قوانين المنتدى لاتسمح بتنزيل اكثر من 3 مواضيع في القسم في اليوم . . كل الود ... |
اقتباس:
انا منزل كل هالموضيع لاني راح التركم لمده طويله عشان الختبارات تحياتي:ابوخالد |
الوليد العتيبي بيض الله وجهك والله يوفقك في جميع اختباراتك
وشـــــــــــــــــــــــــــــــــــــــكــــــــ ـــــــــــــــــــــــــــــــرا |
اقتباس:
فتى مشكور على المرور والله يوفق الجميع امين يارب العالمين |
الوليد ماقصرت وابيض وجه
والله يوفقك وتروح وترجع بالسلامه بس لاتطول علينا تحياااااااااااااااااااااااااااااااتي |
مشكوووور يالوليد والله يوفقك في اختبراتك
اخوك روق والسماء فوق |
الدلبحي
مشكور على المرور ياغالي |
روق والسماء فوق
مشكور على المرور |
تشكر على نقلها
تحياتي |
| الساعة الآن »08:23 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd