يا علي يا خوك أسمع في ضميري = هــرجـةٍ لـو قـيل لـي دقــه قـديمه
كـلـمةٍ في خـاطري حزت وغيري = ما درى عنها وهي صابة صميمه
العيون اللـي تـرى درب المسيري = جاتها لحظة غــشاشه فـي ظليمه
والبيـوت اللي تـشّيد مـن حريـري = الــهوى أيــهدّهـا فـأول نــــسيمه
أيـه ..... يا مكثر سكاكين البعيري = أشـهد أن في وقـعته وقعه وخـيمه
بـعد بـانت الـعلـوم اللــي تـصيري = طاح حـد السـيف بـرقاب الحشيمه
فالشوارب واللحـى مـظهر وزيري = فالمـواقـف كنـهم نـسخـة حـلـيمه
لـو تـحده أو تـلده عــن مــسيري = الـقصيمي مـا يـحب ألا قـصـيمه
الـردى والطيب مـعروف الـكثيري = وحمد الله بان وسمي عن وسيمه
لا تـلوم ولا تـعاتـب يـا عـــشيري = قــــلت لك كـل طـقةٍ لـي بتـعلـيمه

المشاركة الأصلية كتبت بواسطة فواز الشيباني اخي ساج الوقت صح السانك لاخلا ولا عدم يا غالي