ياضروف الوقت ليته ماطرالي = وليت ربي ماكتب يوم الوداع
يوم رووح ياضروفي وش بقالي = زاد همي غم واعلنت الضياع
يوم رووح ياضروفي هو سؤالي = مالقى له حل والا الحل ضاع
ياضروف الوقت يكفي ماجرالي = يكفي اللي صار ما للهم داع
تكفي الاحزان وهموم الليالي = وتكفي الدمعات دمعات الوداع
صرت اعيش الليل في همي لحالي = واكتم الاهات وارمي بالشعاع
قمت اعيد الذاكره للي جرالي = واذكر ايام(ن) تداوي للوجااع
اذكر ايام(ن) على قلبي توالي= عشتها في قرب ذربين الطباع
اسالك يالله يامنشي الخيالي = رد اصحاب(ن) على قلبي تباع
رد اصحاب(ن) على علم بحالي = رد اصحاب(ن) الى حد النخاع
ردهم يارب يكفي مابحالي = حالتي من بعدهم صارت ضياع
ياضروف الوقت وديله سؤالي = والاجابه حلها بين الشعاع
ياضروف الوقت قولي مابقالي = غير حبك يارفيقي والضياع
وكان ترضى في عذابي لاتبالي = رح مادام الامر من قلب(ن) مطاع
وكان ترضى في عذابي لاتبالي = رح مادام الامر من قلب(ن) مطاع

00

الاخ العزيز / طلال العازمي

صح لساااانك ولاهنت


ولاحظت تكرار القافية(الوداع) في البيت الاول والخامس!!!


ننتظر جديدك بشوق



ولك تحياتي