سلام الله برده وافيه تدخل مع البيبان=واذا باب العتيبي صك تطمرله من الطوفه
يامقعد كيف حال المملكه واصحابنا العتبان=انا لي وقت ماجيت البلد والبيت ماشوفه

هلا يامرحبا ترحيبة(ن)ماتطمر الجدران=على باب الوفا والطيب والبيبان موصوفه
خوالك ماعليهم نقص وعلوم الخوال اسمان=لعلك تستعي في بيت رب الكون وتطوفه

يدوم الك البقا واللين والمعروف والاحسان=هدف ولاطبيعه والرجل مايبدي بخوفه
وانا غايب من ايام الخريف وضيقت الرعيان=تشوف الذيب ينهش بالغنم والراعي يحوفه