ياليالي خبرينا عن غياب اللي نسانا=ليه غايب مايطمنا على حاله ووينه
يعلم الله مانسيناهم ولاعنهم سلانا=لهفة الاشواق في قلبٍ عسى ربي يعينه
المفارق لو يطول مايغير في غلانا=ذكرياته لاتزل ما دام له عشره متينه
غاب نجمه وافتقدنا نوره اللي في سمانا=رغم بعده وارتحاله والله انا محترينه
السهر بعده رفيق وفي مضاجعنا بلانا=والهدب ينعى جفن عينه ويبكي دمعتينه
له غلا مبطي وساكن في ضميري من زمانا=حافظين اسمه وزوله في الضمائر راسمينه
لو عرفنا وين داره يمدي انا له عنانا=يدفع المشتاق يمه شوقه وقوة حنينه
لأجله الاقدام تمشي في هواه وفي رضانا=مايهم الدرب يمه دامنا اللي مهتوينه
علموه انه عزيز القلب غاية مشترانا=وعلموه انه بعد فرقاه دنيانا حزينه
علموه عن الغلى وانه غاية منانا=وعلموه انه زهر كل البلاد وياسمينه

المشاركة الأصلية كتبت بواسطة تاج السلاطين له غلا مبطي وساكن في ضميري من زمانا حافظين اسمه وزوله في الضمائر راسمينه لو عرفنا وين داره يمدي انـا لـه عنانـا يدفع المشتاق يمه شوقـه وقـوة حنينـه اخوي ابن نعــــــيس تسلم يمناك ع النقل الرائع.. وصح لسانك ولسان الشاعر عبد الكريم لا خلا ولاعدم من تميز شخصكم الكريم. تحياااااااااااااااااااااتي

المشاركة الأصلية كتبت بواسطة ((الدلبحي)) تسلم يمناك وصح السان شاعرها لاهنت تحياااااااااااااااااااااااااااااااتي

المشاركة الأصلية كتبت بواسطة فواز الشيباني تسلم يمناك وصح السان شاعرها لاهنت

المشاركة الأصلية كتبت بواسطة فيصل المسعودي صح لسان الروقي وتشكر على النقل الطيب تقبل تحياتي