الهيـــــــــــــلا *** منتدى قبيلة عتيبة - المعذره ياخير من يمشي على خدّ التراب.. قصيدة في النبي صلى الله عليه وسلم

- قصائد الأعضاء (http://www.otaibah.net/m/forumdisplay.php?f=10)

المعذره ياخير من يمشي على خدّ التراب.. قصيدة في النبي صلى الله عليه وسلم

قصيدة متواضعة جداً في الذب عن خير البشر

من قاعدات التضحيه والذب عن خير الجناب=تفجرت غيض القلوب من الشعوب المُغضبه
واسترسلت موج تعلى فوق هامات السحاب=الموجه اللي تعتلي جملة فضاه وترعبه
للعالم اللي ماسح عقله قوارير الشراب=الكالح اللي كل شيطان مريد يركبه
ماهوب حنا يامحلين الشذوذ مع الكلاب =اللي يهين الراس من ذله ويرخي منكبه
حنا تطير ارقابنا والدم نسقيه الشعاب=من دون عرض المصطفى لوراح مليار رقبه
وقليل في حق النبي لو تصبح الدنيا خراب= لونمسح العالم غضب من مشرقه لي مغربه
تجشمي ياأمة المليار لله الصعاب=تلي قيودك وانفضي عنا قناع الاتربه
المعذره ياخير من يمشي على خد التراب=ياغيث الارض وكل من يرجي السلام ويطلبه
يامستمد النور ممن جاعل نوره حجاب=ياخير واعظم من سجد لله والدمع سكبه
المعذره يارحمة تنعم بها حتى الدواب=واجبك حالت دونه ذنوب القلوب المجدبه
حنا كشفنا لحومنا للجايعات من الذياب=ونلوم ظلم انيابها اللي كل عرقٍ تشذبه
حنا تركنا للهبوب تهبنا مع كل باب=حنا جعلنا همنا للدين آخر مرتبه
من التكاسل فـ الصلاه الى التهاون بالحجاب=نرقص طرب والموت منا كل واحد يسحبه
حنا لو انا ننصر السنه ونعمل بالكتاب=مااخطا علينا كافر ننكر عليه ونشجبه
يالله عساها خيرةٍ تجمع شتاتٍ كالسراب=وتصحى سبب شدة مصيبتها قلوب وتنتبه
المعذره المعذره واختم بها فصل الخطاب=لو كنت انا اصغرمن ينظم فيك قافه واكتبه

منصور الحبيل الحمادي

حنا تطير ارقابنا والدم نسقيه الشعاب
من دون عرض المصطفى لوراح مليار رقبه
وقليل في حق النبي لو تصبح الدنيا خراب
لونمسح العالم غضب من مشرقه لي مغربه
تجشمي ياأمة المليار لله الصعاب
تلي قيودك وانفضي عنا قناع الاتربه
المعذره ياخير من يمشي على خد التراب
ياغيث الارض وكل من يرجي السلام ويطلبه
...
اللهم صلي وسلم على سيدنا ونبينا محمد ...
الشاعر الرائع بحق منصور الحبيل ...
اشهد شهاده حق....
... مافيها مجامله انها اروع ماقرأت
قلت فأبدعت .. فهميئاً لك على ماقدمت واسأل الله
ان يجعلها في ميزان حسناتك ..
وان يجعلنا واياك من شفعاءه يوم القيامه
وان يرزقنا حبه وحب من يحبّه بأبي هو وامي .

صح لسانك اخوي منصور الحمادي
واشهد شهاده انك شاعر
مع تمنياتي لك بتوفيق والنجاح
اخوك / روق والسمــــاء فوق

صح لسانك

اخوي منصور الحمادي

لاهنت غلى القصيدة الرئعة

تحيااااااااااااااتي

اقتباس:

المشاركة الأصلية كتبت بواسطة مرزوق العتيبي

اخجلتني والله ياأخ مرزوق العتيبي
بتثبيت القصيدة في هذا الصرح الشامخ

وهذا من ذوقك وطيب اصلك لا عدمناك

شكرا على التثبيت والمرور

الله يجمعنا مع حبيبنا صلى الله عليه وسلم في مستقر رحمته

ممكن ايميلك ياامنصوووور الحمادي

المعذره ياخير من يمشي على خد التراب
يامستمد النور ممن جاعل نوره حجاب
المعذره يارحمة تنعم بها حتى الدواب

اللهم صلى على محمد وآله وصحبه اجمعين

أخـوي منصور الحمادي صح لسانك على هذه القصيدة الرائعه
واحترت على اثني على جزالاتها ام على روعة معانيها
جعلها الله في ميازين حسناتك يوم تلقاء ربك

بيض الله وجهك اخوي منصور الحمادي
وصح لسانك وجزاك الله خير
اخوووووووووووووك
مرحول ...هم؟
العطاااااوي ............