جلست أفكر بالليال المقابيل=وأحسب ثوانيها وعد الدقايق
وأقول ياربي عساها تساهيل=اتمر ما جاء لي من الوقت عايق
وأخلص الدوره وغنى المواويل= وأطرب بها المحبوب لاكان رايق
أبو عيوناً دعج حلوه مظاليل= أذوب فيها لين ماعود فايق
والخشم سببلي جميع التهاويل= سوات سيف الزير وقت البوايق
وشفاهه اللي كلبوها مشاهيل=جمراً حمر والاسوات الفشايق
والخد مثل البدر حلو التفاصيل= مافيه مكياجن ولابه سحايق
ماجاه ياربعي هذيك التجاميل= اللي بهذا الوقت جتنا طلايق
والعنق يسحرني ورد التهايل= ترحيبة المشتاق شوق العشايق
والخصر يطربني بحلو التماييل= يهتز مثل الخيزران الرقايق
كله على بعض جميل الثمايل= زيناً تميز عن جميع الخلايق
أسهر أنا وياه بأحلى التعاليل=ونتذكر أيامن مضت يارفايق