رائعة من روائع الشاعر : فلاح بن مرشد بن خلف الزراقي
 

يا مسافر(ن) للشرق وقت المغابيش= الله معاك ولا تقابل ندامه
الرجل رجل يروح فالبعد ويعيش= ما يجزع من البعد غير الهلامه
والبعد والممشى وكثر المطاريش= هذي تراها للنشامى علامه
رح خل قلبك صلب ماهو كما الريش= قلب الصقر ما هو سواة الحمامه
يا مكثر الحساد أعدد لكم ويش = اللي يبونك دايم(ن) فنهزامه
يدورون عيوب لو بالمناقيش= وليا لقوها فيك سووا كرامه
ناس(ن) ليا قفيت حشوك تحشيش= وإن قابلوك أبدوا لك الإبتسامه
ويفرشون الأرض بالحكي تفريش= وتحت الفرش محفور تسعين قامه
الوقت متغير وجا فيه تشويش= ترى زمنا قد تغير نظامه
في كل خطوة حط نقطه وتفتيش = واخذ الحذر منهم وليت السلامه
شدوا حزمكم لا تقولون لي ليش = يا ويل من فرط وضيع حزامه
لبس العقل ما هو سواة الطرابيش = ما يصلح الطربوش فوق العمامه
أول دعاوى الناس تبدا تناتيش = وآخر دعاويهم هجوم وغرامه
ناس(ن) على كسرة عصاكم معاطيش = من ساسهم حتى تقوم القيامه
ناس(ن) يبونك زال يلقون بخشيش= واحدهم البخشيش دايم همامه
وإن ما عطيته ينفصل عنده الفيش = ويبين لك كل الردى في كلامه

المناسبة / يودع بها أخيه الأستاذ : خلف بن مرشد الزراقي
ويشد من أزره في لحظة ( وداع) . ( وأعدكم بالكثير إن شاء الله من روائع شاعرنا ( فلاح) وسأحاول أخذ قصيدة ( سوق الضيافة منه قريبا )
( وبالمناسبة : فلاح بن مرشد شاعر بالعربي الفصيح والعامي )

الرجل رجل يروح فالبعد ويعيش= ما يجزع من البعد غير الهلامه

اخي الكريم

صح السانك ولسان الشاعر

الله يعطيك العافيه

اخي الكريم

صح السانك ولسان الشاعر

الله يعطيك العافيه

تسلم يامعسف القوافي

على طيب النقل00

وصح السان الشاعر فلاح

تقبل تحياتي

تسلم يمينك يالغالي

تحياااااااااااااااااااااااااااااااااااتي

اخي الكريم

صح السانك ولسان الشاعر

الله يعطيك العافيه
تحياتي

الشاعر فلاح الزراقي مبدع وشكرا ً لك على النقل الرائع