يامضخّمة القصايد والاسامي=دبروا والله يدبر مايريده
نعرف الكسب الحلال من الحرامي=ماتبدّلنا الثمينه بالزهيده
ونعرف المليوم واللي مايلامي=مانقدنا الا مدوّرة النقيده
العبت فينا خفافيش الظلامي=لين ماخلت لماضينا شريده
رميةٍ كم وقعت من غير رامي=والله اللي حط سره في عبيده
واحدٍ نام وتحلم يوم قامي=قالو انت اللي تمناك الجريده
مابقى للشعر قدر ولا مقامي= كل متســلق يسمونه وليده
وان سكتنا ماكشفنا اسم الحرامي=اللسان حصان والنظره بعيده
ماتزود البل من الارض الوخامي=ولايفيد النصح بعقولٍ بليده
والكبود اللي على العذبه ظوامي =الظما من ساحة الما تستزيده
غابت الشمس وعباد الله صيامي =علمونا ياهل الأريا السديده
وش بقى من شعر في صدر الزلامي ؟! =دام كلٍ لابغى سوّى قصيده