نزولها عن مستواها يعني الصعب المحال=ما اود من تسكن عيون الناس وعيوني تطيح
عزيزةٍ والعز يلبس صاحبه ثوب الجمال=الله يسامح كل من لا يعجبه والله يبيح
النفس لوماعزها الرجّال هانوه الرجال=إلاّ الوضيع اللي على نفسه من الرفعه شحيح
وهذا الزمن وبكل أسف تقدر على صعب المنال=أهم شي انك تجيد إسلوب الاطرا والمديح
إمدح أو إكذب مثلها بالضبط وجهين الريال=وإن بان لك هذا جميل وبان لك هذا قبيح
وابطى جواب اهل الصحافة ما سمعته والسؤال=الحنظلة في رايهم والشوك ريحانٍ وشيح
فوضى .. مجرد شكل ..لا معنى .. ركاكه وابتذال=والنقد عادي ما يهزك يا جبل عاصف وريح
الشعر يا اهل الشعر ماهو كل ما يمكن يقال=ولا يهم انك تقوله بالنبط ولاّ الفصيح
وياللي من اجل النشر تكتب يا قصيده يا مقال=مره بالاسم المستعار ومره بالاسم الصريح
الباب لك مفتوح وادخل من جنوب او من شمال=لكن تأكد في النهاية ما يصحّ إلا الصحيح