ما يعدل الراس غير البن الهيلا=والبيت ما يثبت الا فوق سيسانه

انت ياصاحبي مرزوق بين زملاك=تزرع الطيب من طيبك ومن طيب ابوك
رجع الذاكره عامين واصفق يداك=انت عينتهم بالله ما علموك

ماعليكم نزود ويسعد الله مساك = جعل وسط الجنان اعظام من خلفوك
اشهد اني حزنت ومادهاني دهاك = مثل ماولعوني عانهم ولعوك

لكن ابو زيد مغرم في هوى عليا=والبيت ما يثبت الا فوق سيسانه

يشهد الله عليه كل ما اسمع نباك= قلت يا صاحبي مرزوق ( لا فض فوك )
اربعه فالرياض العام كانوا هناك =وخامس الاربعه يا صاحبي في تبوك

انت ياصاحبي معروف في مستواك = شاعر ٍ تتعب اللي ودّهم تعبوك
ليه تزعل على اللي مايدوّر رضاك = لو هدفهم رضاك ان كان ماقاطعوك